Í framhaldi af birtingu og frásagnar hér á síðunni og á Facebooksíðunni í gærkvöldi um slysið á Eddu GK, bað ég Aðalheiði Láru Guðmundsdóttur, eða Heiðu Láru eins og hún kallar sig, að senda mér myndir af minnismerkinu sem hún sagði frá á Facebooksíðu minni. Það hefur hún gert og ekki bara það heldur sent með eftirfarandi frásögn;

Hér eru myndir af minnismerkinu, sem var vígt þegar 50 ár voru liðinn frá slysinu. Árni Johnsen gerði merkið. Eddan lá við akkeri um 300m frá bryggjunni þegar hún fór á hliðina, um 30-40 skip voru á firðinum þessa nótt því síld hafði gengið inn fjörðinn. Flestir úr áhöfninni komust í annan nótabátinn og rak þá út fjörðinn. Um nóttina snérist hann svo í vestlægariátt og rak þá bátinn að Bárarskerjum, sem eru fyrir neðan bæina Suður og Norður-Bár í Eyrarsveit. Skipverjum var svo bjargað í hús að bænum Suður-Bár. Ýtarleg frásögn um slysið er í bók sem heitir Fólkið, Fjöllin, Fjörðurinn,safn til sögu Eyrarsveitar, og er gefin út af Eyrbyggju Hollvinasamtök Grundarfjarðar. Þetta er í 4.hefti og kom út 2003.

             - Sendi ég Heiðu Láru bestu þakkir fyrir skjót og góð viðbrögð -






   Minnisvarðinn um slysið um borð í 184. Eddu GK 25 í Grundarfirði fyrir rúmri hálfri öld © myndir Heiða Lára 31. ágúst 2011