Báturinn var dreginn til hafnar á Rifi. Ferðin gekk vel og var veður gott. mbl.is/Alfons

Trillan Kópur GK 175  fékk drauganet í skrúfuna í morgun um þrjár mílur norður af Ólafsvík. Skipstjóri Kóps varð að fá aðstoð björgunarbátsins Bjargar til að komast til hafnar.

Hann sagðist hafa verið á leið til Keflavíkur eftir grásleppuvertíð í Stykkishólmi en hefði ákveðið að taka eldsneyti áður en lengra yrði haldið.

"Það steindrapst á vél bátsins er drauganetið festist í skrúfunni og því ekki annað í stöðunni að fá aðstoð," sagði skipstjórinn.