6654. Hnoss,sem dró þann vélavana að landi,  við bryggju í Vogum © mynd Emil Páll, 4. okt. 2010

Landhelgisgæslunni barst kl. 12:09 aðstoðarbeiðni frá skemmtibáti, sem var vélarvana norðan við hafnargarðinn í Vogum. Skipverjum á fiskibáti tóku bátinn í tog og drógu hann til lands.

Þyrla Landhelgisgæslunnar, TF GNA var kölluð út auk þess sem björgunarskip og bátar Slysavarnarfélagsins Landsbjargar á svæðinu, sem og nærstaddir bátar voru beðnir um að fara til aðstoðar Tilkynning barst til stjórnstöðvar kl. 12:44 um að fiskibáturinn Hnoss væri kominn með bátinn í tog og sigldi með hann til Voga. Einnig var Jón-Oddgeir,  björgunarbátur Slysavarnarfélagsins Landsbjargar  á staðnum. Skömmu síðar var þyrla Landhelgisgæslunnar komin á staðinn en snéri fljótlega til baka þar sem ekki var talin þörf á frekari aðstoð.