Samkvæmt þinglýsingarvottorði eru 10 veðbönd á bátnum. Fjögur þeirra voru gefin út í lok júlí 2007. Þar af eru 950 milljónir króna í íslenskum krónum og rúmar 4 milljónir evra. Veðbönd sem eru dagsett í 24. júlí 2008 upp á samtals 625 milljónir króna, eru einnig skráð á bátinn.

Gunnlaugur Hreinsson framkvæmdastjóri GPG Fiskverkunar vildi ekki veita DV upplýsingar um ástæðu skuldanna en nefndi krossveð í aðrar eignir fyrirtækisins svo sem kvóta. "Það vita það allir landsmenn að erlendar skulir hækkuðu um meira en helming við fall krónunnar. Skuldir í sjávarútvegi jafnvel tvöfölduðust og þrefölduðust hjá þeim sem fóru verst." Aðspurður um hvort skuldirnar séu viðráðanlegar, svarar hann: "Skuldirnar eru miklar, en tíminn vinnur eitthvað með mönnum."

Háey II hefur áður komist í fréttirnar síðasta haust þegar báturinn strandaði við Hólshöfða skammt innan við Raufarhöfn í september á síðasta ári.