Tað hevur eydnast sjóverjuni á Seychell oyggjunum at finna eitt tangaskip, sum mannleyst í nærum tríggjar mánaðir hevur rikið fyri vág og vind í Indiska havinum.

Tangaskipið Esperanza, ið er merkt 2.100 DWT, er nú sleipað inn til Port Victoria á Seychell oyggjunum.

Fyrst í desembur mánað varð manningin á skipunum tikin umborð á amerikanskt herskip. Hetta varð gjørt eftir at maskinan á tangaskipinum brotnaði. Tá ikki bar til hjá manningini at umvæla maskinuna, rak tað hjálparleyst fyrst í seytjan dagar.

Í fystu atløgu eydnaðist maskinfólki av amerikanska herskipinum USS Sterett at fáa maskinuna í gongd aftur, men hon var í sera ringum standi, og eftir stuttari tíð støðgaði hon aftur. Síðan varð manningin tikin umborð á herskipið, ið sigldi teir til Oman og setti teir í land har.

Um herskipið hevur boðað frá til myndugleikar í India ella Sri Lanka er ikki greitt. men greitt er, at eingin lat við seg koma.

Ikki fyrrenn 10. februar hendi nakað. Sjóverjan á Seychell oyggjunum fekk fráboðan um eitt rekandi spøkilsisskip.