2101. Sægrímur GK 525, 30. júní 2010

Þeir á Sægrími GK 525, hafa upplifað nokkuð óvæntar uppákomur undanfarna daga. Hófst þetta með því að þeir tóku upp svokallað 12 tíma kerfi og róa nánast jafnt á nóttunni sem að degi til, með það í huga að fiskurinn sé aldrei búinn að vera meira en 12 tíma í netunum þegar hann er veiddur. Með því hefur þeim tekist að landa 99% aflans í dýrasta flokkinn.
En þetta er ekki það eina sem komið hefur til hjá þeim um borð, því fyrir helgina voru þeir staðnir að meintum brotum við að hafa landað nokkrum tonnum fram hjá vikt og eiga von á sviptingu vegna þessa. Í framhaldi af því hefur svo komið í ljós að Fiskistofa stóð ólöglega að upptöku aflans og er það mál nú til athugunar hjá tilbærum aðilum.


                      2101. Sægrímur GK 525, 7. okt. 2010 © myndir Emil Páll