Sjón eins og sú sem við sjáum á myndum Guðna Ölverssonar sem hann tók í Njarðvíkurslipp fyrir fjölda, fjölda ára, má segja að sé mjög sjaldgæf sjón og því eru myndirnar algjörar perlur. Þarna eru sama komnir fleiri bátar í slipp, en sést nokkurn tímann, nú orðið.  Með því að bera saman allar myndirnar bæði þær sem teknar eru ofan við bátanna og svo þær sem teknar eru upp í slippinn svo einstaka myndir er hægt að finna út hverjir flesti þessara báta eru og læt ég það flakka sem Guðni hefur bent á og ég bætt við. Það er þó langt í frá að vera tæmandi.
Þessu til viðbótar sendi Þorgrímur Aðalgeirsson sína hugmynd um hvaða bátar þetta væru og því til staðfestingar mynd sem er tekinn á sama tíma og þar með er þetta enn skemmtilegra og því endurtek ég færsluna frá því hún birtist fyrst.




     Sá rauði er 1070. Húnaröst ÁR 150 og sá blái hér næst okkur er 1501. Þórshamar GK 75, sá blái sem er fyrir neðan hann er 1411. Huginn VE 65. Báturinn milli Húnarastar og Þórshamars er 1030. Rauðsey RE 14


     Fyrir utan þá fjóra sem ég benti á, undir myndinni fyrir ofan eru þeir þrír sem eru lengst til hægri þessir taldir frá vinstri 1416. Skarðsvík SH 205, 1031. Magnús NK 72 og aðeins sést í stefnið á 1213. Heimaey VE 1


       1411. Huginn VE 65, 1416. Skarðsvík SH 205, 1031. Magnús NK 72 og 1213. Heimaey VE 1, sem þarna var í styttingu og yfirbyggingu og því er mynd þessi trúlega tekin árið 1979.


     Ef þessi mynd er borin saman við hinar sem eru hér fyrir ofan  svo og mynd og texta Þorgríms hér fyrir neðan, kemur í ljós hvaða bátar þetta eru allt saman © myndir Guðni Ölversson, trúlega um 1979.