Um helgina fór fram námskeið hér í Sandgerði fyrir áhafnir Björgunarskipa á vegum Slysavarnarskóla sjómanna.  Alls voru 16 nemendur frá Björgunarsveitunum Sigurvon og Suðurnes sem eru áhafnarmeðlimir á Hannesi Þ.

Námskeiðið sem er 20 kennslustundir er bæði bóklegt og verklegt og er það tekið einu sinni.  Annað námskeið sem heitir STCW er kennt í Skólaskipinu Sæbjörgu og það námskeið þurfa allir þeir sem stunda sjómennsku að taka á 5 ára fresti.

"Nemendur stóðu sig vel og eiga hrós skilið fyrir verklega hlutann sem fram fór í mjög leiðinlegu veðri í gær," sagði Guðlaugur Ottesen einn af leiðbeinendum, en með honum var Sigurdór Steinar Guðmundsson leiðbeinandi.

Í meðfylgjandi myndskeiði má sjá eitt af mörgum verkefnum sem hópurinn leysti.  Þarna var meðlimum skipt í tvo hópa og áttu þeir að leysa verkefni um borð í Hannesi þar sem sett var á svið að sprenging og bjarga þurfti tveimur meðvitandalausum mönnum.

Myndir og vídeó: Smári/245.is | lifid@245.is