20.12.2010 11:43
Ísbjarnargrín í gangi?
Upphafið var að í gærkvöld birtist í nafni skipstjórans færsla á Facebookinu og mynd er sýndi þrjá ísbirni synda í logni og var sú færsla þess efnis að þeir á togaranum hefðu siglt fram hjá ísbjörnum þessum. En eins og fram kemur neðar í þessari færslu var þetta gert án þess að skipstjórinn vissi af, en þó í hans nafni.
Fyrstu viðbröðu urðu strax í gærkvöldi er Þorgrímur Ómar Tavsen benti á að togarinn sjálfur væri ekki í logni þar sem hann væri nú og gaf því til kynna að þetta væri eitthvað annað.
Í morgun mátti síðan lesa eftirfarandi tvær greinar um málið á feyki.is:
Þrír Ísbirnir á sundi norður fyrir landi - vinnustaðahrekkur sem fór úr böndunm
Skipsverjar á Málmeynni rákust í gær á þrjá ísbirni á sundi við ísröndina norður fyrir landi. Á fésbókarsíðu skipstjórans segir; "Þá erum viðkomir norður fyrir land í ísinn,toguðum í dag frammá þessa ísbjarnarfjölskyldu.Reyndum mikið að snara eitt helvítið en það eru greinilega lélegir kúrekar hér um borð.Eins og mig vantaði nú einn í garðinn,sáum síðast til þeirra stefna beint á skagann svo Jói verður kominn með 3 í garðinn hjá sér um jólin og getur þá dundað við að setja jólakúlur í dindilinn á þeim."
Skipsverjar komust í tölvu skipstjórans engir ísbirnir á sundi
Feykir.is hafði samband við brúnna á Máleyunni en þá var Björn skipstjóri sofandi en Hermann nokkur vakandi við stýrið. Að sögn Hermanns var hann sofandi þegar meintir ísbirnir áttu að hafa sést á sundi og var hann því ekki vissum að meintir ísbirnir hafi sést. Skömmu síðar hringdi Hermann aftur og hafði þá vakið skipstjórann sem vissi lítið um málið en við nánari rannsókn kom í ljós að skipsverjar höfðu komist í tölvu skipstjórans og var um hrekk að ræða. Í landi hafði viðbúnaðarstig verið sett í startholur.
Feykir hafði samband við Stefán Vagn Stefánsson, yfirlögregluþjón á Sauðárkróki sem fékk símtal út af málinu í nótt. "Við erum í startholunum hérna en höfum ekki fengið staðfest hvort rétt reynist. Við erum búnir að láta allt okkar viðbragðskerfi vita af málinu og munum skoða málið þegar birtir. Enn sem komið er vitum við ekkert meira en aðrir" En það vitum við hins vegar og ljóst að margir hlupu apríl að morgni 20. desember.
Við erum í startholunum hérna er þetta reynist rétt, við erum að fara að setja allt af stað láta okkar viðbragðskerfi sem talað er um hóa okkur saman og rétt að skoða þetta mál við vitum ekkert meira en aðrir að svo komnu máli.
