Nokkur skip tilkynntu um hafísrönd um 20 sjómílur norður af Horni nyrst á Vestfjarðakjálkanum í nótt, þegar þau áttu leið þar um.

Ísinn virðist ekki hafa færst nær landi en hann var þegar Landhelgisgæslan fór í ískönnunarflug yfir svæðið í gær. Ólíklegt er talið að ísspöngin leggist alveg að landi og loki siglingaleiðinni.

Ekkert sást til ísbjarna á ísnum frekar en í ískönnunarflugi í síðustu viku.