Frystitogarinn Brettingur KE hóf veiðar á rækju á Flæmingjagrunni í síðasta mánuði og hefur landað afla úr fyrsta túrnum, 115-120 tonnum af iðnaðarrækju, í Kanada, að því er Magni Jóhannsson útgerðarmaður sagði í samtali við Fiskifréttir. Þetta er í fyrsta sinn frá árinu 2006 sem skip undir íslenskum fána veiðir rækju á Flæmingjagrunni. Magni sagði að Brettingur hefði veitt rækjuna á svæði L. Kvóti Íslendinga á því svæði er um 320-330 tonn í ár og mun Brettingur veiða af honum fyrir útgerðir sem eru handhafar kvótans.