Farþegaskipið Antarctic Dream kom í nótt til Keflavíkur með rúmlega 80 farþega, en skipið var að koma norðan úr höfum. Frá Keflavík mun skipið fara suður á bóginn, í kvöld ef veður spillir ekki fyrir og þá án farþega. Skip þetta er eitt þeirra sem siglir í norðurhöfum á sumrin en suðurhöfum á veturna.

Þetta skip er nokkuð merkilegt fyrir þær hluta sakir að hér er á ferðinni gamalt herskip, sem gert var að farþegaskipi. Á skipinu má finna byssustæðið, þá eru brú eða stýrishús í raun á tveimur hæðum og er hægt að sigla frá báðum stöðum, því sömu tækin eru þar til staðar og ýmislegt fleira sem notað er á herskipum.

Þessar myndir sem hér birtast tók ég um kl. 8 í morgun og þá var sólin að fara svolítið illa með mig, hvað myndatökur varðar, en það verður bara að hafa það.






            Antarctic Dream í Keflavík í morgun © myndir Emil Páll, 14. sept. 2010