Glæsisnekkjan Octopus, eða Kolkrabbinn er lögð af stað áleiðis til Íslands og er væntanleg til Reykjavíkur á föstudag.

Octopus er 126 metra löng, eða 50 til 60 metrum lengri en stærstu togarar íslenska flotans enda er hún níunda stærsta ofursnekkja veraldar, sem ekki er í eigu þjóðhöfðingja eða þjóða.

Tvær þyrlur eru um borð og tveir litlir kafbátar. Eigandi skipsins er Poul Allen, annar stofnanda Micrsoft. Ekki liggur enn fyrir hvað leiðangursmenn ætla að skoða í háloftunum, á legi og í djúpinu, þegar hingað kemur.