Af vef Hafnarfjarðarhafnar:


         Le Boreat kemur til Hafnarfjarðar í júlí 2010 © mynd af vef Hafnarfjarðarhafnar

Skemmtiferðaskipið Le Boreal kom til Hafnarfjarðar kl 07:00 í morgni 22. júlí sl.
Le Boreal er glænýtt skemmtiferðaskip, var hleypt af stokkum skipasmíðastöðvarinnar 6. maí í vor. Það er í eigu frönsku útgerðarinnar Le Ponant, sem hefur aðsetur í Marseilles.
Le Boreal er 10.600 tonn að stærð og hefur rúm fyrir 250 farþega. Þetta er lúxus skip og er öll hönnun unnin af heimsfrægum hönnuðum.
Le Boreal er í eigu sömu útgerðar og Le Diamant, sem komið hefur til Hafnarfjarðar undanfarin 6 ár. Le Boreal mun á næsta ári leysa Le Diamant af hólmi hér á norðurslóðum, þegar "Demanturinn" leitar á Asíumið.
Le Boreal kemur til Hafnarfjarðar þrisvar þetta sumar og er næsta koma miðvikudaginn 28. júlí, þegar skipt verður um farþega í skipinu.


                        Le Boreal © mynd af síðu Hafnarfjarðarhafnar frá júlí 2010