Bátalíkön sem Grímur Karlsson smíðaði af skipum úr íslenska fiskiskipaflotanum hafa verið til sýnis á þriðju hæð í Krosshúsum í Grindavík eða í sama húsi og kaffihúsið Bryggjan er. Sem kunnugt er flutti Grímur erindi á Bryggjunni um bátasagnfræði og lánaði hann töluvert af bátalíkönum sem eru til sýnis á gömlu kaffistofu Krosshússins.

Í kvöld var  síðasta tækifærið til þess að skoða bátalíkönin sem eru mikil völundarsmíð.



    Frá sýningunni í Grindavík sem lauk í kvöld © myndir og heimild grindavik.is

Mun ég þó gera líkönum Gríms Karlssonar, sérstök skil, með heimsókn í höfuðstöðvarnar í Duushúsum í Keflavík. Mun það gerast einhvern tíman á næstu vikum.