Fyrir um tveimur mánuðum var fluttur landleiðis frá Ísafirði báturinn Gullbjörg ÍS, til viðgerðar í Sandgerði, eftir að hafa orðið fyrir tjóni fyrir vestan.
Nokkru eftir að báturinn kom á viðgerðarstað varð forstöðumaður í Sandgerði var við spor í kring um bátinn og fór að leita, og þá sérstaklega um borð, en sá aldrei neitt, hversu vel sem leitað var.
Eftir mikil heilabrot ákvað hann að setja mat á stað þar sem hann var sjáanlegur. Fljótlega fór maturinn að hverfa og smátt og smátt fór laumufarþeginn að sjást og eftir nokkra daga fór hann að hænast að þeim sem færði honum matinn. Kom þá í ljós að þarna var heimilsvanur köttur, mjög loðinn á ferðinni og virtist hann hafa falið sig inni í vélarúmi bátsins.
Þrátt fyrir að skilja hann eftir úti sótti hann aldrei annað en að vera í námunda við starfsmenn, eftir þetta og er nú orðinn hið mesta gæludýr.
Eru menn helst á því að hann hafi farið um borð í bátinn á Ísafirði og verið síðan í honum þegar hann skrölti á vörubílspalli suður til Sandgerði og við það kvekkst það mikið að hann þorði ekki að láta á sér bera, fyrr en hungrið var orðið yfirþyrmandi að matarástin hófst og síðan fann hann þarna annað heimili.
Ef einhver sem les þetta vill fá nánari upplýsingar eða telur sig eiga kisu, ætti hann að hafa samband við síðuhöfund sem mun láta vita hvert skal leita.


          Laumufarþeginn við góðu yfirlæti í Sandgerði © mynd Emil Páll, 11. mars 2010