09.03.2010 13:20

Frakkar kaupa nýja Cleópötru

Af skip.is:

Nýr Trefjabátur til Frakklands
Nýr Trefjabátur til Frakklands
© Trefjar

Ný Cleopatra 33 til Frakklands

8.3.2010

Bátasmiðjan Trefjar afhenti á dögunum nýjan Cleopatra-bát til Port-Joinville á eyjunni Ile d'Yeu í Frakklandi. Eyjan er rétt sunnan Bretaníuskagans á vesturströnd Frakklands. Kaupandi bátsins er David Beneteau sjómaður frá Port-Joinville.

Báturinn hefur hlotið nafnið Etendard II, mælist 11 brúttótonn og er af gerðinni Cleopatra 33. Aðalvélin er af gerðinni Iveco C78M55 tengd ZF360IV-niðurfærslugír. Báturinn er útbúinn fullkomnum Furuno siglingatækjum.

Hann er útbúinn til neta- og línuveiða. Hann mun stunda netaveiðar 4 mánuði á ári og línuveiðar með lifandi beitu 8 mánuði á ári. Í bátnum eru sérútbúnir tankar til að halda beitu lifandi um borð. Uppistaða aflans er barri.

Búnaður til netaveiða er frá Girard og búnaður línuveiða er frá Able. Öryggisbúnaður bátsins kemur frá Viking-björgunarbúnaði.

Rými er fyrir 14stk 380lítra kör í lest. Stólar fyrir skipstjóra og háseta eru í brú. Svefnpláss er fyrir þrjá í lúkar auk eldunaraðstöðu með eldavél, örbylgjuofn og ísskáp.

Reiknað er með að báturinn hefi veiðar í Biscay flóanum undir lok mánaðarins

Skrifað af Emil Páli
Tengill á færslu