Svolítið skondin saga er að gerast varðandi bátinn Kidda Lár GK 501. Bátur þessi er frá Sandgerði og á að fara í miklar endurbætur hjá Sólplasti ehf. í Sandgerði, en til að komast þangað þurfti hann að sigla til Njarðvikur, þar sem hann verður tekinn upp í mjög fullkominn dráttarvagn hjá Skipasmíðastöð Njarðvíkur sem mun síðan draga bátinn til Sandgerðis, þ.e. til Sólplasts.
Ástæðan fyrir þessu eru tvær. Báturinn er of breiður fyrir brautina í Sandgerði og síðan hefur hrunið á Íslandi valdið því að nú eru engir kranar á Suðurnesjum til að lyfta bát eins og þessum á land.
Mun Kiddi Lár því verða tekinn upp um leið og skemmtibáturinn Regína De la Mar sem er í Njarðvikurslipp til viðgerðar verður sjósett, en sá bátur er nú á vagninum.


  2704. Kiddi Lár GK 501, bíður í Njarðvíkurhöfn eftir því að komast landleiðina til Sandgerðis


   Vagninn góði og fullkomni, með skemmtibátinn 7660. Regína De la Mar í Njarðvikurslipp i morgun © myndir Emil Páll 10. febrúar 2010