Skip þetta var eitt hið frægasta aflaskip Breta á tímum landhelgisdeilunnar um 200 mílurnar og lenti í skothríð við ísl. varðskipin, strauk með lögreglumenn o.fl. sem greint verður frá hér fyrir neðan myndirnar.


               1558. Dagstjarnan KE 3, í Keflavíkurhöfn © mynd Emil Páll


                          1558. Dagstjarnan KE 3 © mynd úr safni Emils Páls

Smíðanr. 1015 hjá Charles D. Holmes & Co Ltd, í Beverley, Englandi 1969. Kom til Hafnarfjarðar 4. maí 1980, þá nýkeyptur til landsins. Úreltur 15. des. 1992. Dró Dráttarskipið Hvanneyrin hann til Írlands í brotajárn. Lögðu skipin frá Akureyri 4. júlí 1993 og komu við í Keflavík og fóru þaðan 7. júlí 1993.

Sem C.S. Forester var skipið hið frægasta aflaskip Breta á tímum landhelgisdeilunnar um 200 mílurnar. Lenti skipið m.a. í skothríð við ísl. varðskip og kom gat á togarann í þorskastríðinu. Þá sigldi það undir stjórn hins alræmda landhelgsibrjóts Taylors, sem eitt sinn strauk frá landi með íslenska lögreglumenn um borð. Togarinn var einn fyrsti ísfisktogarinn sem bretar byggðu til veiða á fjarlægðum miðum.

Ævintýramaðurinn Sigurður heitinn Þorsteinsson ætlaði að kaupa togarann, er hann var í reiðuleysi á Akureyri og gera hann að hvalvinnsluskipi, en málin gengu ekki upp hér heima og því hvarf Sigurður frá 20 dögum síðan, en hann var kominn með áhöfn til Akureyrar til að sækja togarann.

Nöfn: C.S. Forester H 86, Rán HF 342, Dagstjarnan KE 3, Sólbakur EA 305, Sólbakur II EA 305 og aftur Sólbakur EA 305.