24.07.2014 09:10

Þekkir einhver þennan?

Þessi bátur er í endurbyggingu í Keflavík, en hann kom frá Hofsósi og var þar í eigu Sveins Sveinssonar. Það eina sem núverandi eigandi veit er að með honum fylgdi spjald þar sem stóð EA 138 og hann hafði heyrt að hann hefði einhvern tímann verið á Dalvík.

Sendi ég nokkrum aðilum þessar upplýsingar um bátinn og svaraði Árni Björn, á Akureyri þessu á þennan veg:

Ég átta mig nú ekki á þessu í fljótu bragði.
Er þó með bát smíðaðan á Sauðárkróki 1941 sem heitir Víðir SK-126. Stærð 1,40 brl.
Eigendur að þessum bát voru Steingrímur Friðriksson, Sveinn Sveinsson og Lárus Sveinsson, Reykjum.
Þetta er eini Sveinn Sveinsson sem ég finn í augnablikinu.
Veit ekki hver smíðaði þennan bát en allar líkur eru þó á að það gæti verið Vigfús Magnússon bátasmiður á Sauðárkróki.

Þá setti ég þetta á síðu gamallra trébáta, en fékk engin svör.

Þar að auki hefur maður frá Hofsósi rætt um að þetta gæti verið bátur sem hét Fleygur SK. Ekkert meira veit hann um þann bát.

Gamall maður frá Hofsósi er nú að kanna málin betur, en gaman væri ef einhver vissi eitthvað um þennan bát.

Í dag er hann í þröngu plássi og þvi var ekki hægt að taka af honum öðruvísi myndir en hér birtast. Ef einhver getur hjálpað til með frekari upplýsingar er hann beðinn um að koma þeim í vefpósti til epj@epj.is eða á Facebook.

 

             Báturinn sem hugsanlega var EA 138,  í Keflavík, þar sem sett verður á hann stýrishús og hugsanlega eitthvað meira. Ef einhver getur hjálpað til með frekari upplýsingar er hann beðinn um að koma þeim í pósti til epj@epj.is eða á Facebook © myndir Emil Páll, 10. júlí 2014