17.02.2013 10:10

Haraldur hagnast við strendur Afríku

dv.is.:

Einn af fyrrvi eigendum Sjólaskipa græddi 34 milljónir króna árið 2011
 
Útgerðarfyrirtæki Haraldar Jónssonar í Afríku skilaði hagnaði upp á ríflega 34 milljónir króna árið 2011 en hafði skilað rúmlega 300 milljóna króna tapi árið 2010. Hér sést annar af togurum félagsins, Gloria.
              Útgerðarfyrirtæki Haraldar Jónssonar í Afríku skilaði hagnaði upp á ríflega 34 milljónir króna árið 2011 en hafði skilað rúmlega 300 milljóna króna tapi árið 2010. Hér sést annar af togurum félagsins, Gloria.

Afríkuútgerð Haraldar Reynis Jónssonar, eins af fyrrverandi eigendum útgerðar Sjólaskipa í Afríku sem seld var til Samherja árið 2007, hagnaðist um ríflega 34 milljónir króna árið 2011. Þetta kemur fram í ársreikningi félagsins fyrir árið 2011.

Útgerð Haraldar Reynis heitir Úthafsskip. Mikil viðsnúningur var í rekstri útgerðarinnar á milli áranna 2010 og 2011 en tap félagsins árið 2010 hafði numið rúmlega 119 milljónum króna.

Félag Haraldar á og rekur tvo verksmiðjutogara sem veiða fisk, aðallega hestamakríl, við strendur Vestur-Afríku, sérstaklega úti
fyrir Máritaníu. Útgerðin er með aðsetur í borginni Las Palmas á Kanaríeyjum, eins og útgerð Samherja sem keypt var af Sjólaskipum.