28.10.2009 18:48

Víkingur III ÍS 280 / Valberg II VE 105


                      127. Víkingur III  ÍS 280, í höfn í Sandgerði © mynd Emil Páll 1989 


       127. Valberg II VE 105, kemur síðasta spölin til Njarðvíkur, þar sem til stendur að farga honum © mynd Emil Páll 2008

Smíðanr. 75 hjá Flekkefjord Slipp og Maskinfabrikk A/S í Flekkifjord, Noregi 1964. Breytt í Skemmtibát 1998, og síðan aftur í fiskiskip 2003 og 2006 í vaktbát til nota í Norðursjó. Afskráður 31. okt. 2008 og hefur síðan að mestu legið við bryggju í Njarðvík sökum lélegs verðs á stáli, en til stendur að brytja hann niður í Njarðvíkurslipp á vegum Hringrásar.

Báturinn lá lengi eins og hvert annað yfirgefið skipsflak með Tjaldanes-nafninu í Hafnarfjarðarhöfn, eða frá 1994 og til ársins 2001. Þá var hann færður yfir í Hafnarfjarðarslipp og eftir áramótin 2001/2002  var hafist handa um að mála hann og gera sjókláran að nýju. Var hann síðan við bryggju í Hafnarfirði fram í miðjan apríl 2003 að honum var siglt til Njarðvíkur til útgerðar á ný.

Nöfn: Guðbjartur Kristján ÍS 280, Víkingur III ÍS 280, Víkingur III GK 280, Sandgerðingur GK 280, Ólafur Þorsteinsson SK 77, Tjaldanes ÍS 522, Sæfaxi VE 25, Skussi, Kristbjörg II HF 75, Valberg VE 10 og Valberg II VE 105